Fréttir

Nýlega var lokið við að skrá einkaskjalasafn Lárusar Jóhannssonar Rist.  Hann fæddist árið 1879 að Seljadal í Kjós en fluttist norður í Eyjafjörð og ólst þar upp.  Eftir fimleika- og sundkennaranám í Danmörku settist Lárus að á Akureyri og fór að kenna við Gagnfræðaskólann.  Hann kom með nýja strauma í íþróttalíf Akureyringa og ekki hvað síst sundíþróttina. 

Í tilefni af 100 ára afmæli Íþrótta- og Ólympíusambands Íslands ætlar ÍSÍ og Héraðsskjalasöfn á Íslandi að hefja formlegt samstarf um skráningu og söfnun á íþróttatengdum skjölum. Átakið hefst í dag 18. apríl og þá eru einmitt 100 dagar fram að Ólympíuleikunum í London.

Árið 1954 var Jónas S. Jakobsson ráðinn sem sérstakur bæjarlistamaður, með það hlutverk að skreyta bæinn.  Um haustið skilaði Jónas nokkrum tillögum.  Á Ráðhústorg vildi hann setja gosbrunn eða styttu af Helga magra.  Upp af Torfunefsbryggju átti að gera hringmyndaðan hólma og setja á hann táknrænt listaverk fyrir skip og flughöfn. 

Í tímans rás hafa átta einstaklingar verið kjörnir heiðursborgarar á Akureyri.  Sá fyrsti var kjörinn 11. nóvember 1920 en það var sr. Matthías Jochumsson, sem varð 85 ára þann dag. Matthías var þjóðþekktur maður og eftir hann liggur mikið af sálmum, ljóðum og rituðu efni en sennilega er hann þekktastur fyrir Lofsönginn og leikritið Útilegumennina (Skugga-Sveinn).  Matthías fluttist til Akureyrar 1887 og þjónaði Akureyringum til fardaga 1900.  Hann lést 18. nóvember 1920.

Í október 1959 birtu bæjarblöðin auglýsingu frá bæjarstjóra þar sem auglýst var samkeppni um  merki fyrir Akureyri.  Merkið skyldi vera einfalt og á einhvern hátt táknrænt fyrir staðinn og var verðlaunum heitið fyrir hæfasta merkið. 

Meðal efnis sem barst á safnið árið 2011 var erfiljóð ort af Matthíasi Jochumssyni.  Upphafið er svona: Sigurbjörg Gunnarsdóttir fædd 1820, dáin 1901 (undir nafni dóttur hennar) Seinn er sólargangur seinni nóttin þó, síðan, móðir milda, myrkvann yfir dró. Ein og hrelld ég hými, heimsins fjarri glaum, ein með hryggð og angur, ein með lífs míns draum.

Hér er gripið niður í dagbók Sveins Þórarinssonar amtsskrifara fyrir réttum 150 árum. "1. sd. í föstu 9. marts 1862 Sama veður [sólskin og sunnan frostgola]. Ég fór ofaná Akureyri og dvaldi þar um daginn og gisti um nóttina hjá Indriða gullsmið, drakk nokkuð. Comediur fórust fyrir vegna dauðsfalls hjá Havsteen."

Á alþjóðlegum baráttudegi kvenna 8. mars bauð Jafnréttisstofa upp á dagskrá á Hótel KEA helgaða 30 ára afmæli Kvennaframboðsins á Akureyri. Héraðsskjalasafnið geymir  

Að beiðni undirbúningsnefndar vegna 100 ára afmælis kaupstaðarins teiknaði Kristinn G. Jóhannsson myndir af gömlum húsum í bænum.

Á Akureyri voru 294 íbúar árið 1862. Í manntali það ár má sjá að þessir íbúar gegndu hinum margvíslegustu störfum, en stór hluti hafði ekki starfsheiti t.d. börn og gamalmenni og giftar konur voru taldar upp á eftir eiginmönnum sínum og titlaðar "kona hans". Hér á eftir má sjá helstu